പുക്കറ്റിലെ ഏറ്റവും ആകർഷകമായ തീരദേശ മേഖലകളിലൊന്നായ ബാങ് താവോ കോറിഡോറിൽ ഒരുങ്ങിയ പുതിയ ആവാസ പദ്ധതിയാണ് The Title Sierra. ലോകത്തിന്റെ നാനാഭാഗത്തു നിന്നുള്ള വിവേകമുള്ള താമസക്കാർ ഇഷ്ടപ്പെട്ടു തിരഞ്ഞെടുക്കുന്ന ഈ ലൊക്കേഷൻ, ദ്വീപിന്റെ ഹൃദയഭൂമിയിൽ ഒരു ശ്രേഷ്ഠ വിലാസം ഉറപ്പ് നൽകുന്നു.
ചുറ്റുമുള്ള മലനിരകളിൽ നിന്ന് പ്രചോദനം ഉൾക്കൊണ്ടുള്ള വാസ്തുശൈലി, ശുദ്ധമായ ആധുനിക രേഖകളെ ജീവിതയോഗ്യതയോടുള്ള ആഴത്തിലുള്ള ചിന്തയുമായി ഇഴചേർക്കുന്നു. 'ജീവിതത്തിന്റെ ഒഴുക്ക്' എന്ന ദർശനം ഇവിടത്തെ ഓരോ ഇടവും രൂപകൽപ്പന ചെയ്യുന്നതിൽ പ്രതിഫലിക്കുന്നു, ഓരോ നിമിഷവും ശാന്തവും പുതുക്കം നൽകുന്നതുമായ ഒരനുഭവമൊരുക്കുന്നു.
പ്രകൃതിഭംഗിക്കൊപ്പം ദൈനംദിന സൗകര്യവും ഒരു പോലെ ലഭ്യമാകും വിധം ഈ ലൊക്കേഷൻ ക്രമീകരിച്ചിരിക്കുന്നു. ബാങ് താവോ ബീച്ചിലേക്ക് വെറും പത്ത് മിനിട്ടു ദൂരമേയുള്ളൂ; ഷട്ടിൽ സർവീസ് പ്രത്യേകമായി ലഭ്യമാണ്. അന്താരാഷ്ട്ര സ്കൂളുകൾ അഞ്ച് മിനിട്ടിനകം എത്തിച്ചേരാം. Villa Market, Porto de Phuket, ഭക്ഷണശാലകൾ, വെൽനസ് കേന്ദ്രങ്ങൾ എന്നിവ നടന്നു ചെല്ലാവുന്ന ദൂരത്തിലുണ്ട്. പുക്കറ്റ് അന്താരാഷ്ട്ര വിമാനത്താവളം 15 കിലോമീറ്റർ അകലെ മാത്രം.
ഇൻഡോർ, ഔട്ട്ഡോർ സജ്ജീകരണങ്ങളിലായി 24 ആമനിറ്റികൾ ഇവിടെ ഒരുക്കിയിരിക്കുന്നു. 4x25 മീറ്റർ ലാപ് പൂൾ, മേൽക്കൂരയിലെ Luna Pool, Cloud Lounge, യോഗ ലോൺ, കോ-വർക്കിങ് സ്പേസ്, സിനിമ റൂം, ആധുനിക ജിംനേഷ്യം, സ്റ്റീം റൂം എന്നിവ ഇതിൽ ഉൾപ്പെടുന്നു. വളർത്തുമൃഗങ്ങൾക്കായി പ്രത്യേക ഇടവും ഒരുക്കിയിട്ടുണ്ട്. വായു ശുദ്ധീകരണ ഗുണമുള്ള നാടൻ സസ്യജാലങ്ങൾ നട്ടുപിടിപ്പിച്ച 1,700 ചതുരശ്ര മീറ്ററിലധികം ഭൂപ്രകൃതിക്കനുസൃതമായി ഒരുക്കിയ പച്ചിലത്തോട്ടം ഇതിന്റെ ഭംഗി ഇരട്ടിക്കുന്നു.
സ്റ്റുഡിയോ മുതൽ രണ്ട് ബെഡ്റൂം വരെ, 28.38 ചതുരശ്ര മീറ്റർ മുതൽ 62.89 ചതുരശ്ര മീറ്റർ വരെ വിസ്തൃതിയിൽ ഫ്ലാറ്റുകൾ ലഭ്യമാണ്. സുസ്ഥിരത, താമസക്കാരുടെ ക്ഷേമം, ബുദ്ധിപൂർവ്വകമായ രൂപകൽപ്പന എന്നീ ആശയങ്ങൾ കേന്ദ്രത്തിൽ വെച്ചു കൊണ്ടു നിർമ്മിച്ച ഈ പദ്ധതി, ഡിജിറ്റൽ ആക്സസ് സംവിധാനങ്ങൾ, ഊർജ്ജ സംരക്ഷണ സംവിധാനങ്ങൾ, സർവർക്കും അനുകൂലമായ പ്രവേശനസൗകര്യങ്ങൾ എന്നിവ ഉൾക്കൊള്ളുന്നു.
